كود سبور//

كشفت مصادر مطلعة ان الجامعة الملكية المغربية لكرة القدم، باغيين رشيد بنمحمود المدرب المساعد فالطاقم ديال وليد الركراكي يبقى مع المنتخب الوطني المغربي.

ونفس المصادر وضحت ان الجامعة متشبثة ببقاء بنمحمود مع المنتخب الوطني المغربي باش يخدم مع الطاقم التقني الجديد، اللي مازال ما تحسم فيه وشكون غادي يكون المدرب على راسو، واخا مصادر من محيط الجامعة كاتقول ان الكورة ملعوبة بين طارق السكتيوي ومحمد وهبي، بعدما اقتنعت الجامعة بنهاية قصة وليد الركراكي.

تمسك الجامعة برشيد بنمحمود راجع للمعرفة ديالو مزيان بالمنتخب واللاعبين وغادي يعاون المدرب الجديد بزاف باش يجمع لگروب.