كود -وكالات//

فـكوبنهاغن تجمعو مجموعة من الإيرانيين قدام سفارة إيران باش يعبروا على معارضتهم للنظام ديال طهران، فالفيديوات لي تداولوها الناس فـسوشيال ميديا ومواقع التواصل، بان واحد الرجل كيطلع فوق حيط السفارة وعلق راية إيران القديمة قبل الثورة ديال 1979 لي كيستعملوه بزاف ديال المعارضين كرمز للهوية والتغيير.

https://x.com/i/status/2033978658399105427

المحتج تم توقيفو من طرف البوليس من بعد ما دار هاد الفعل، لي كيجي فإطار احتجاجات جالية إيران فالعالم كامل ضد الحكومة ديال طهران، حتى دابا ما كاين حتى تصريح رسمي من البوليس الدنماركي ولا السفارة باش يأكدو الواقعة، ولكن الفيديوات انتشرت بزاف وولات رمز ديال التضامن مع المتظاهرين داخل إيران.

الناس لي تابعو الاحتجاج كيشوفو هاد الخطوة كـرسالة رمزية قوية للنظام الإيراني، وكتبين رغبة الجالية فـ الخارج باش تعطي صوتها للمعارضة وتشجع الناس وسط إيران على المطالبة بالتغيير والحرية، هاد النوع ديال الاحتجاجات بدا كيتعاود فمدن أوروبية وأمريكية، وكيعكس الضغط الكبير على الحكومة الإيرانية من طرف المجتمع المدني والجالية الإيرانية فالعالم.