وكالات//
ربحات المغنية العالمية، بيونسيه، اللي عندها 43 عام، جائزة “ألبوم العام” فحفل توزيع جوائز غرامي 2025، على ألبومها “Cowboy Carter” ، وهادشي كيسجل ليها إنجاز جديد فمسيرتها الفنية.
خلال الحفل اللي داز نهار الأحد ف لوس أنجلوس، طلعت بيونسيه على المسرح مع بنتها بلو آيفي باش تسلم الجائزة، واللي قدموها ليها البومبية ديال مقاطعة لوس أنجلوس تكريماً لجهودهم فمواجهة حرائق الغابات الأخيرة فالولاية.
بيونسيه عبرات على شكرها فالكلمة ديالها وقالت: “بغيت نشكر البومبية اللي كيخدمو بكل جهد باش يحافظو على سلامتنا”.
وزادت قالت: “كنحس بالفخر والامتنان الكبير. كانت الطريق طويلة، وبغيت نشكر جوائز غرامي وكل كاتب أغاني، منتج، وفنان ساهم فهاد العمل”.
وهدات بيونسيه الجائزة للمغنية ليندا مارتيل، أول فنانة عندها بشرة كحلة فموسيقى الريف، واللي شاركت معاها فالألبوم، وقالت: “كنتمنا نواصلو فتح الأبواب للمواهب الجديدة”.