وكالات//

منوضة شركة هواوي الشينوية قربالة في العالم كامل بسبب التيليفون الجديد ديالها لي سميو “Mate XT” ولي كيقولو أنه صدم شركة “آبل”.

وبارطاجو الملايين ديال الناس في العالم كامل فيديو ديال هاد التيليفون لي أبرز مافيه أنه كيتطوى على 3 ديال المرات، ومللي كيتسرح كيولي في السمك ديالو غير 3.6 ميليمتر فقط.

بخصوص الثمن، فكيتراوح في السوق ما بين 2800 و3370 دولار، يعني أكثر من 2 مرات الثمن ديال آيفون 16 ديال “آبل”.

وواخا الثمن الغالي ديالو، أكدات الشركة أنها تلقات 3.5 مليون طلب باش يشريوه، وقالت أنه غاد ينزل للسوق نهار 20 فهاد الشهر.