كود – كازا ///

نشرات المؤثرة الإسبانية (@maritarx) على حسابها بموقع تيك توك، مؤخرا، فيديو على توقيفها من طرف البوليس المغربي فمطار بالمملكة، بسباب تصويرها منطقة التفتيش الأمنية، وهو السبب اللي اعتبراتو المؤثرة اللي عندها أكثر من مليون فوفورز بـ”الغريب”.

هاذ المؤثرة حاولات بخبث تدير البوز الخاوي على ظهر المغرب وتبين أن الفعل اللي دارتو ما كيستحقش توقيفها والتحقيق معاها، لكن التيكتوكر المغاربة فرشوها فالتعليقات ديالهم ووضحو ليها، أنه فمعظم مطارات العالم يمنع التصوير في تلك المناطق الحساسة لأسباب أمنية.