كود سبور//

خالق إغلاق مجموعة من الملاعب فوقت واحد للإصلاح، أزمة برمجة حقيقية للعصبة الوطنية لكرة القدم الاحترافية، اللي ولات مضطرة تأجل ماتشات باش يتلعبو ماتش.

وقررت العصبة الوطنية لكرة القدم الاحترافية تأجيل ماتش الوداد الفاسي ضد رجاء بني ملال من غدا الجمعة 8 نونبر إلى يوم الأحد 10 نونبر 2024 بملعب الحسن الثاني بفاس على الساعة الرابعة عصرا، باش يتلعب ماتش النادي المكناسي والضيف ديالو نادي الدفاع الحسني الجديدي يوم الجمعة 08 نونبر 2024 بنفس الملعب بفاس على الساعة الثامنة مساء.

وكانو الماتشات بجوجهم مبرمجين غدا الجمعة، وهذا القرار ديال العصبة الاحترافية بتأجيل ماتش وداد فاس ضد رجاء بني ملال، جا حيث الملعب الشرفي بمكناس فيه الصيانة باش يولي مؤهل لاستقبال ماتشات الكونفيدرالية الأفريقية لكرة القدم، بالإضافة إلى إكراهات النقل التلفزي.