الرئيسية > كود سبور > التونسي منذر الكبير ما مفاكش مع الرجاء وخا ماحملو حد
24/09/2022 16:00 كود سبور

التونسي منذر الكبير ما مفاكش مع الرجاء وخا ماحملو حد

التونسي منذر الكبير ما مفاكش مع الرجاء وخا ماحملو حد

كود سبور//

مازال جمهور الرجاء الرياضي كيعيش على الأعصاب ديالو بسبب تواجد التونسي منذ لكبير ضمن المرشحين لتولي تدريب الفريق الأخضر، وهو الأمر اللي ما متقبلنوش عشاق الرجاء.

مصادر مطلعة كشفت أن التونسي منذر لكبير مازال كيتواجد فالمغرب ويقيم بأحد الفنادق ديال كازا، وهو كينتظر منذ أيام الحسم فالمصير ديالو من طرف عزيز البدراوي، وعندو ثقة فراسو ليكون خلفا لمواطنه فوزي البنزرتي.

منذر الكبير عندو رغبة كبيرة فتدريب الرجاء الرياضي وتراجع عن التوقيع لمولودية جزائري، بمجرد ما تطرح الاسم ديالو لتدريب الفريق الأخضر جمع الباكاج ديالو وشد الطيارة للمغرب، وما مفاكش بالرغم أن جمهور الرجاء ما باغيهش وحذر البدراوي رئيس النادي من التعاقد معه بسبب الفشل ديالو فالتجارب اللي درب فيها المنتخب التونسي وفرق آخر فتونس الأمر اللي جعل البدراوي يتريث من بعدما كان توجه نحو التعاقد معه.

المدرب التونسي منذر الكبير اللي شوماج منذ يناير الماضي، من بعدما جرات عليه الجامعة التونسية لكرة القدم من منتخب بلادها بسبب المشاركة الكارثية فكأس إفريقيا، عندو ثقة كبيرة فراسو ومؤمن بالحظوظ ديالو فالسباق نحو الفوز بشرف تدريب الرجاء بالرغم من الحملة القوية لجماهير الفريق الأخضر اللي كترفض التعاقد معه.

للإشارة فإدارة الرجاء الرياضي برئاسة عزيز البدراوي كتوجه نحو التعاقد مع مدرب أجنبي لتدريب الفريق خلفا للتونسي فوزي البنزرتي المنفصل عنه، فإلى جانب التونسي منذر الكبير واللي ما باغيهش جمهور الفريق، هناك مدربان اجنبيان مرشحان أيضا لتدريب الفريق الأخضر.

موضوعات أخرى

04/12/2022 18:12

معهد الشرق الأوسط الأمريكي كيحذر من تداعيات التوتر المتزايد بين المغرب والجزائر واحتمال تطور الأمور  إلى مناوشات عسكرية

04/12/2022 17:20

وشوفو لي كنتساينوهم يكونو نموذج فاحترام القانون.. سيارة ديال البرلمان مركونة فوق الطروطوار وسادة الطريق كدام وزارة العدل (صورة)

04/12/2022 14:32

روح “العائلة” الودادية كتحلق بالأسود لصناعة التاريخ فمونديال قطر. بيها شفنا إنجاز 86 كيتعاود وسرها كلشي مقتنع غادي يمشي بعيد بمجموعة الركراكي فهاد الحدث العالمي