كود سبور//

بداو التوانسا الاستفزازات ديالهم كيف العادة قبل من أي ماتش ضد المغرب، وهذه المرة قبل من الماتش أميكال ضد الأسود اللي غايكون الجمعة 6 يونيو 2026 فتيران فاس الكبير.

وخرج فرجاني ساسي لاعب المنتخب التونسي بتصريح مستفز قبل مواجهة المنتخب المغربي، وقال: “غانمشيو نلعبو على الرباح، هما فمخهم يمكن دايرين أنهم لاعبين ماتش استعراضي لافتتاح تيران جديد، ولكن غايلقاو التوانسا رجال وغانديرو ماتش كبير وعلاش لا نرجعو بالرباح”.

وكايبان أن فرجاني ساسي بهاذ التصريح المتهور اللي فيه ثقة زايدة بزاف فالنفس، ما عارفش الفارق بين المنتخب المغربي والمنتخب التونسي، وما عارفش أن المنتخب المغربي لاعب ضدهم باش يختبر القدرات ديالو ويبقى فالفورما ويخلي اللاعبين ديالو مركزين على إفريقيا من خلال مواجهة خصم شابع تاحرميات كثر من أنه يلعب الكورة.