الرئيسية > ميديا وثقافة > التواصل خاصو ناس بقواعدو.. المكلفة بالمصري محمد رمضان مفيقة صحافيين مع 12 ديال الليل باش تقل ليهم راه جاي المغرب
13/10/2019 22:00 ميديا وثقافة

التواصل خاصو ناس بقواعدو.. المكلفة بالمصري محمد رمضان مفيقة صحافيين مع 12 ديال الليل باش تقل ليهم راه جاي المغرب

التواصل خاصو ناس بقواعدو.. المكلفة بالمصري محمد رمضان مفيقة صحافيين مع 12 ديال الليل باش تقل ليهم راه جاي المغرب

نجوى المالحي-كود//

المغني المصري محمد رمضان غادي يوصل للمغرب غدا الاثنين. حتال هنا الأمور عادية ولا مشكل، مرحبا به لأنه اختار بلادنا باش يصور فيديو كليب أغنيتو الجديدة.

لكن مسؤولة التواصل لي غادي تكلف ليه بالصحافيين رسلات ميساج في الواتساب لممثلي الاعلام مع الطناش ديال الليل و2 دقايق. السيدة ماقدراتش تصبر حتال السبت صباحا باش تعلن الخبر، مع العلم ماشي شي حاجة عاجلة جدا، وخبر لي ممكن ينتظر.

وحسب الرسالة لي توصلات “كود” بها، بغات الصحافيين يستقبلو المغني المصري في مطار محمد الخامس في كازا، باش يبان الاستقبال كبير.

وكان محمد رمضان دار أغنية مع سعد لمجرد سميتها “انستي” حققات نجاح كبير بزاف، وعلن مؤخرا، انه غادي يصور اغنيتو الجديدة في المغرب، وتحديدا في مراكش.

موضوعات أخرى