الرئيسية > كود-تيفي > التمييز فـ الصالير بين الجنسين وسط هوليود.. جينيفر لورنس دافعات على ليوناردو دي كابريو وخا شد فلوس أكثر منها – فيديو
01/12/2021 05:00 كود-تيفي

التمييز فـ الصالير بين الجنسين وسط هوليود.. جينيفر لورنس دافعات على ليوناردو دي كابريو وخا شد فلوس أكثر منها – فيديو

التمييز فـ الصالير بين الجنسين وسط هوليود.. جينيفر لورنس دافعات على ليوناردو دي كابريو وخا شد فلوس أكثر منها – فيديو

وكالات //

دافعات الممثلة جينيفر لورنس على ليوناردو دي كابريو بعدما انتقادوه شي وحدين بسباب أنه شد كاشي فايتها بـ20% في فيلهم الأخير “Don’t Look Up” اللي مثلو فيه بجوج دور البطولة.

جينيفر لورانس قالت أن الممثل الشهير كيجيب الناس وكيعولو عليه في نجاح الفيلم في قاعات السينما.

وكشفات الممثلة في مقابلة مع المجلة الأمريكية فانيتي فير (Vanity Fair)، أنها ناضلات باش يبان إسمها هو الأول في قائمة الاعتمادات للفيلم، وفقضية الخلاص الناقص مقارنة مع ليوناردو اللي تقاسم معاها دور البطولة قالت أنه ماعندهاش كَرام ديال المشكل فهادشي وأن الأمر عادي

وهادشي زاد كعا بزاف من الناس اللي كيدافعو على حق العيالات فصالير متساوي مع الرجال بدون تمييز أو حكَرة خصوصا و أنهم كيديرو نفس الخدمة و فكثير من الأحيان كيكونو مجهوداتهم كثر من الذكور.

وتخلص ليوناردو بـ30 مليون دولار مقارنة بالكاشي ديالها هي اللي مافاتش 25 مليون دولار.

https://www.vanityfair.com/hollywood/2021/11/jennifer-lawrence-on-love-fame-boundaries-and-dont-look-up

موضوعات أخرى