الرئيسية > آش واقع > التمثيلية النسائية فالسياسة ضعيفة بزاف.. 16 فالمية وزيرات و5 فالمية قياديات فأحزاب وماكاينة حتى مرا فالجهاز التنفيذي للنقابات
24/07/2020 18:30 آش واقع

التمثيلية النسائية فالسياسة ضعيفة بزاف.. 16 فالمية وزيرات و5 فالمية قياديات فأحزاب وماكاينة حتى مرا فالجهاز التنفيذي للنقابات

التمثيلية النسائية فالسياسة ضعيفة بزاف.. 16 فالمية وزيرات و5 فالمية قياديات فأحزاب وماكاينة حتى مرا فالجهاز التنفيذي للنقابات

عفراء علوي محمدي- كود//

نشرة المساواة اللي دارت وزارة التضامن فالعدد اللول ديالها هذ العام بينات على ضعف المشاركة السياسية للمرأة وغيابها فمواقع المسؤولية وصناعة القرار.

كاين، حسب النشرة، 16,7 فالمية دالوزيرات مقابل 83,3 دالوزراء، 20,5 فالمية دالنائبات مقابل 79,5 فالمية دالنواب، و11,66 فالمية دالعيالات فمجلس المستشارين مقالبل 88,33 فالمية دالرجال، وما كتخدم حتى مرا فمكتب المجلس.

بالنسبة لرؤساء مجالس الجهات كاين 16,67 فالمية دالعيالات مقابل 83,33 فالمية دالرجال، ورؤساء مجالس الأقاليم 1,30 فالمية فقط اللي عيالات و98,66 فالمية رجال، وفالجماعات متراسين 1,13 فالمية عيالات و98,86 فالمية رجال.

بالنسبة للأحزاب السياسية، فغير 5,88 فالمية ديال العيالات اللي كاينين فالأجهزة التقريرية ديالها مقابل 94,11 ديال الرجال، بينما الأجهزة التقريرية دالنقابات مافيهاش كَاع العيالات، مقابل 100 فالمية دالرجال. 

وفمناصب المسؤولية، المرا معندهاش تمثيلية مزيانة، وهذشي كتبينو هذ الأرقام اللي بالنسبة المئوية: الكتاب العامون فيهم 10,60 عيالات و89,40 رجال، المفتشون العامون 14,30 عيالات 85,70 رجال، المدراء المركزيون 12,90 عيالات و87,79 رجال، رؤساء الأقسام 15 عيالات و85 رجال، ورؤساء المصالح 24 عيالات و76 رجلا، وفالمناصب العليا ومناصب المسؤولية 23,50 عيالات و76,50 رجال، ونسبة النساء في جهاز القضاء 42,20 والرجال 57,80.

موضوعات أخرى

15/08/2020 19:00

رباب ازماني مرات فريد غنام قصفات المتخلفين اللي سبوها بسباب لباسها: تربيت فبيئة نقية وكبرت متصالحة مع نفسي.. وكنشفق على هذ الناس اللي معذبين فالدنيا ولاخرة

15/08/2020 17:51

روكور جديد فهاد 24 ساعة.. 1776 مغربي تصابو بكورونا و21 ماتو و922 تشافاو.. الطوطال: 41017 مصاب و632 متوفي و28566 متعافي و11819 كيتعالجو