وكالات//

شدّات السلطات المحلية فولاية فلوريدا تمساح كبير كيقرّب 3 مترو فطول، كان كيدور فساحة مدرسة ديال الصغار، وقبل ما يهجم على التلاميذ، تم التدخل.

وحسب موقع “بيبول”، وقعات هاد الواقعة فـ الوقت اللي كانو الدراري والموظفين خارجين من المدرسة.

جاو المختصين فصيد الحيوانات الخطيرة، وباش يضمنو السلامة ديال الناس، بدلو اتجاه الراجلين باش يبعدوهم على التمساح اللي بان فالباحة.

قدرو يشدو التمساح الكبير بلا ما يضروه، ومن بعد خداوه ورجعوه للطبيعة.

وواحد الفيديو تحط فصفحة الفيسبوك ديال مكتب شريف مقاطعة هيلزبورو، بيّن الفرق المختصة وهي كتحاول تسيطر عليه، وفي الآخر قلبوه على ظهرو وداروه فصندوق الشاحنة باستعمال لوح ديال الخشب.

ومن بعد تهز التمساح، بزاف ديال السكان المحليين عبرو على الخوف ديالهم على سلامتهوم، حيث كان معروف فداك البلاصة وكانو متعودين يشوفوه.