الرئيسية > كود سبور > التكناوتي: غادي نتقاتلو ضد البرتغال باش نفرحو سيدنا والمغاربة مرة أخرى
09/12/2022 14:00 كود سبور

التكناوتي: غادي نتقاتلو ضد البرتغال باش نفرحو سيدنا والمغاربة مرة أخرى

التكناوتي: غادي نتقاتلو ضد البرتغال باش نفرحو سيدنا والمغاربة مرة أخرى

كود سبور//

عبر رضا التكناوتي لكول ديال المنتخب الوطني المغربي على الافتخار ديالو وهو كيشوف الملك محمد السادس خارج للشارع فرحان مع الشعب المغربي من تأهل ليكيب ناسيونال لربع نهائي كأس العالم قطر 2022، فانجاز تاريخي لكرة المغربية. وأكد التكناوتي بلي هو وصحابو فالمنتخب غاديين يتقاتلو فماتش البرتغال باش يتأهلو ويزيدو يفرحو الملك والجمهور المغربي.

وقال رضا التكناوتي لكول الثالث ديال المنتخب الوطني المغربي فالندوة الصحافية قبل ماتش المغرب والبرتغال: “كنفتاخرو حيث شفنا الملك محمد السادس خرج للشارع يحتفل مع الجمهور المغربي وهادشي غادي يعطينا طاقة كبيرة باش نبقاو غاديين فالمسار ديالنا، وعلاش لا ندوزو لنصف النهائي”.

وأكد رضا التكناوتي بلي معولين هو ومكونات المنتخب الوطني المغربي يدخلو ضد البرتغال باش يحققو التأهل لنصف النهائي باش يفرحو المغاربة ملكا وشعبا: “غادي نتقاتلو وجميع اللعابا حاسين بالمسؤولية فهاد الماتش باش نتأهلو ونشوفو الملك محمد السادس فرحان هو والشعب المغربي”.

موضوعات أخرى

28/01/2023 22:00

الأهلي المصري وصل للمغرب باش يلعب الموندياليتو.. واللعابا فرحانين حيث المغاربة كبرو بهم فالاستقبال – تصاور

28/01/2023 21:30

“كود” جابت حقيقة وفاة جوج طالبات فوجدة: ماشي طالبات ووحدة مازال فغيبوبة والثانية كتهضر وفحالة صحية عادية

28/01/2023 21:00

“كود” جابت حقائق خطيرة على هرب اللاعب الجزائري بن العمري والمخابرات الجزائرية وراء رحيلو من المغرب

28/01/2023 20:30

من بعد البرلمان الاوروبي. احزاب فبرلمان إقليم الباسك غادي تطلق مبادرة كتطالب فيها المغرب باحترام حرية التعبير والإعلام