كود كازا//

عانى المسافرون لي تيديرو لانافيط من الرباط لكازا ولقنيطرة، بسبب الازدحام والاكتظاظ لي تسبو فيه رجال التعليم لي جاو بالمئات من مختلف المدن باش يحتجوا على وزير التربية الوطنية والتعليم الأولي والرياضة.

المكتب الوطني للشومينو ما عرفش كيف يتعامل مع هاذ الزحام، وخلا نفس القطارات وما زادت شي واحد ولا جوج باش يخفف من الدحاس، ويخلي المسافرين من الزبناء ديالو لي تيخلصوا الزبابل ديال الفلوس شهريا يمشيوا مرتاحين، حيت حتى لي مقطع بروميان كلاس ما لقاش فين يجلس.