الرئيسية > آراء > التعليقات فصفحة سانطرال كاتبين بلي بزاف ديال المقاطعين الغرض ديالهم ماشي هوا يلقاو حل ! بل الغرض ديالهم ينتاقمو ! مناش ؟ الله اعلم
12/09/2018 11:00 آراء

التعليقات فصفحة سانطرال كاتبين بلي بزاف ديال المقاطعين الغرض ديالهم ماشي هوا يلقاو حل ! بل الغرض ديالهم ينتاقمو ! مناش ؟ الله اعلم

التعليقات فصفحة سانطرال كاتبين بلي بزاف ديال المقاطعين الغرض ديالهم ماشي هوا يلقاو حل ! بل الغرض ديالهم ينتاقمو ! مناش ؟ الله اعلم

سهام – البارودي//

مؤخرا شركة سانطرال دارت مبادرة الغرض منها ترضي المقاطعين ! و جابت منتوج جديد فيه 470 ml يعني قل شوية من نص ايطرو بجوج دراهم و نص و غايكون فميكة اما الحليب لي موالفة كاتبيع نص ايطرو بثلاتة دراهم و نص نقصاتو لثلاتة دراهم و عشرين سنتيم.

هادشي طبعا تم مورا مشاورات و اجتماعات و مجموعة من المبادرات لي دارتها سانطرال و لي كاتبقى محمودة ! علاش ؟ حيت فالوقت لي شركات مغربية تاهي قايساها المقاطعة فحال ولماس و افريقيا ختارو يضربو الطم و يعطيو لبنادم النخال ! سانطرال دانون الشركة الفرنسية ختارت انها تتواصل مع المستهلكين و يجي المدير ديالها الكبير من فرانسا و  تحاول تلقى حلول للمقاطعة.

و هنا كاتبان قيمة المستهلك عند الشركات الاجنبية و قيمتو عند الشركات الوطنية.

ولكن بالرغم من هادشي فاش دخلت للصفحة ديالها و قريت التعليقات ديال اغلب المعلقين فهمت بلي كاينة نسبة كبيرة ديال هاد الناس لي مقاطعين غا ضد و صافي ! ماعندهم غرض لا بثمن لا بجودة لا بمولاي بيه ! كاتحس بيهم عامرين بالحقد و الغل ! ! ماباغينش يلقاو حل و يزيدو القدام ! لا هوما شادين الضد فحال شي واحد شاد الضد مع مرتو !

” مقاطعون إلى الأبد”
” آ والو واخا ديرو لي درتو غانبقاو مووقااطعوون”
و الطوب واحد كاتب ليهم حقا ما حقا ” بغينا داك الحليب لي كنا كانشريو شحال هادي ديال الكارطونة مثلتة و كاتحلو كاتلقا فيه الزبدة و بغيناه بجوج دراهم ”

وا دابا شوف التمنييك كي داير ! واخا يحلبوه من بزولة امك راه ماغايخرجوش ليك الزبدة لي نتا باغي و بربعين ريال ملفوق.

نورمالمو انا شخصيا كانشوف المبادرات لي كادير سنطرال من بدات المقاطعة حتى اليوم مبادرات كاتنم عن حسن النية و عن رغبة في حل المشكل ! و لكن السؤال لي كانطرح على راسي دابا هوا واش هاد الناس لي مقاطعين واش باغين يلقاو حل و لا لا ؟ واش الغرض ديالهم يكون حل يرضي الجميع و لا الغرض ديالهم نابع من حقد دفين و غل ؟

حيت كانشوف بلي.بالنسبة لواحد الشريحة مهمة ! هاد المقاطعة ولات وسيلة انتقامية !

و المضحك المبكي فهاد الأمر انه لا الشركات المغربية لي معنية بالمقاطعة لا الشركات المغربية ديال الحليب ماعذبو راسهم و تواصلو مع المقاطعين ! والو ! سياسة النخال ! و الشركة الوحيدة لي كاتواصل كاتلقى قدامها جيش ديال المحرضين لله في سبيل الله

شنو غانفهم انا من هاد الفيلم ؟ انه المغربي ماكايعرف ليه واقيلة غي خوه المغربي.

واحد النقطة مهمة بالنسبة لهادوك لي غايجيو يقولو ليا شحال عطاوك ؟ غير تهناو انا اصلا ماكانشربش الحليب كايضرني فالمعدة.

موضوعات أخرى

23/09/2018 22:00

مجلس البركة فركعها: الفساد والضعف ديال نجاعة الإدارة والتعليم ماشي ملائم لحاجيات سوق الشغل وهادشي لاح المغرب فهاد المركز عالميا