كود مدريد ///

حصلت “كود” على لائحة الوفد الحكومي المغربي المشارك يومي لاربعا والخميس فأعمال اجتماع اللجنة العليا المغربية الإسبانية بمدريد.

الوفد اللي كيقودو رئيس الحكومة عزيز اخنوش غادي يشارك فيه وزير الخارجية ناصر بوريطة ووزير العدل عبد اللطيف وهبي ووزيرة المالية نادية فتاح ووزير التعليم سعد برادة ووزير الصحة امين تهراوي ووزير الفلاحة احمد بواري ووزيرة الطاقة ليلى بنعلي ووزير الصناعة مزور رياض والوزير المنتدب المكلف بالاستثمار زيدان كريم وكاتبة الدولة المكلفة بالصيد البحري زكية درويش

المثير للانتباه فهاد الوفد هو غياب وزير الداخلية. ديما كان حاضر فاجتماعات مماثلة. دابا غايب. هاد الشي كيعني باللي الملفات الامنية والمتعلقة بالهجرة خدامين فيها البلدين مزيان. ما بقاوش محتاجين يتلاقاو بحال هاد الاجتماعات

حضور هاد الوفد فيه كذلك تأكيد على ما قالو سيدنا باش تلاقى مع رئيس الحكومة الإسباني بيدرو سانشيث ف19 نونبر 2018 فالرباط. قال بيان الديوان الملكي، ان اللقاء كان فيه استعراض للعلاقات الثنائية في مكوناتها السياسية، الاقتصادية، الأمنية والثقافية، حيث اتفق الملك ورئيس حكومة اسبانيا على الدفع بالعلاقات بين البلدين في مختلف القطاعات.

طلب سيدنا الخدمة ماشي غير الإنشاء. مشاريع واضحة واهداف واضحة