الرئيسية > آش واقع > التصريح الوبائي النصف شهري ديال كورونا: المغرب فات الصين وتكلاصا فالمرتبة 38 عالميا.. ومعدل الإصابة الأسبوعي تزاد ب39,43.. و473 مغربي مات غير فالنص اللول من شتنبر – فيديو
16/09/2020 11:00 آش واقع

التصريح الوبائي النصف شهري ديال كورونا: المغرب فات الصين وتكلاصا فالمرتبة 38 عالميا.. ومعدل الإصابة الأسبوعي تزاد ب39,43.. و473 مغربي مات غير فالنص اللول من شتنبر – فيديو

التصريح الوبائي النصف شهري ديال كورونا: المغرب فات الصين وتكلاصا فالمرتبة 38 عالميا.. ومعدل الإصابة الأسبوعي تزاد ب39,43.. و473 مغربي مات غير فالنص اللول من شتنبر – فيديو

عفراء علوي محمدي- كود//

قال عبد الكريم مزيان بلفقيه، رئيس قسم الأمراض السارية بمديرية الأوبئة ومكافحة الأمراض التابعة لوزارة الصحة، أن هذ الاسبوعين اللخرين عرفو ارتفاع فعدد الإصابات بكورونا، بحيث تسجلات بين 31 غشت و6 شتنبر 10995 حالة، بينما سجلنا بين 7 حتى ل13 شتنبر 14292، بزيادة بين الاسبوعية ديال 30 فالمية.

بالنسبة للوفيات، فالاسبوع ما قبل الأخير سجلنا 250 وفاة، وفالاسبوع الأخير سجلنا غير 217، بتحسن ملحوظ وصل ل13 فالمية.

وحتى عدد المتعافين عرف تحسن، وهذشي بنسبة 37 في المئة، بحيث أن الاسبوع ما قبل الأخير تشافاو 8919، والاخير براو فيه 12254.

بالنسبة لمراحل التطور الوبائي، ففشهر مارس حتى لمنتصف يوليوز المعدل الأسبوعي تراوح بين 0,3 حتى ل1,5 لكل مئة ألف نسمة، فمرحلة رفع الحجر التدريجي عرف ارتفاع طفيف ووصل ل3 حتى ل5، لكن فالمراحل المتقدمة لرفع الحجر وصل المعدل ل39,43 حالة لكل 100 الف نسمة، ولو أنه كان استقرار فهذ المعدل فبداية غشت لكن من بعد ارتفع بشكل سريع.

وكتتوزع الجهات حسب معدل الإصابة التراكمي الأسبوعي كما يلي:

أقل من 20 حالة : جهة الشرق وطنجة تطوان وفاس مكناس وكلميم وادنون والعيون الساقية الحمرا.
من 20 إلى 50: الرباط سلا وبني ملال ومراكش آسفي وسوس ماسة.
من 50 فوق: كازا سطات ودرعة تافيلالت والداخلة واد الذهب.

بالنسبة لتطور الوفيات، ففالأسابيع الأخيرة ديال رفع الحجر تزادت وولات كتتسجل 200 حالة اسبوعيا، وفشهر غشت تسج أكبر عدد دالوفيات اللي هو 788، وفالنصف الاول من شتنبر تسجلو 473.

بالنسبة لمؤشر تكاثر الحالات، فمارس كان تحت 1، بعد رفع الحجر التدريجي فيونيو تارجح بين 1,5 و2، والآن وصل ل1,11.

بالنسبة لترتيب المغرب عالميا، فهو كيجي فالرتبة 38 فعدد الإصابات، بزيادة 8 رتب، وكيحتل الرتبة 44 فعدد الوفيات و32 من ناحية عدد الكشفات، أما إفريقيا فكيبقى ال3 على مستوى عدد الحالات، 4 على مستوى عدد الوفيات، و2 على مستوى عدد الكشفات.

موضوعات أخرى

25/09/2020 10:00

دراسة: 85 فالمائة من الشباب المغاربة كيشوفو أن “كورونا” زادت من الفوارق الاجتماعية و48 فالمائة قالو ان الفيروس سلاح بيولوجي

25/09/2020 09:30

المؤتمر الاستثنائي”. اجتماع ثاني لمكتب برلمان “البي جي دي”.. ومصدر لـ”كود”: قانونيا نقطة المؤتمر كاينا فالدوة المقبلة