وكالات//

قررات مدينة البندقية الطاليانية، المشهورة بأنا مبنية فوق الما، أنها تفرض واحد الغرامة على السياح لي كيجيو ليها بالنهار.

على حساب مقالت الصحافة الطاليانية، فالمدينة غادي تفرض على الناس لي جايين ليها ف النهار وماغاديش يباتو فشي أوطيل فيها يخلصو ضريبة ديال 5 أورو للنهار.

وهاد القضية لي دارتها هاد المدينة هي كتدار لأول مرة ف العالم.

وخرج مسؤول ديال المدينة في تصريح نقلاتو وكالة “فرانس بريس” كيقول أن الهدف من هاد القضية ماشي يجمعو الفلوس وإنما باش تولي المدينة “أفضل مدينة ممكن تعيش فيها”.