الرئيسية > آراء > التربية الجنسية ولات ضرورة ملحة فالمدارس ! بنادم كايسمع التربية الجنسية و كايتخلع كايتخايل عباد الله عريانين فالزنقة و شي كاينيك شي في حين حشومة ف2020 و بزاف دالشباب المغاربة مازال كايعانيو من الجوع الجنسي
13/10/2020 15:00 آراء

التربية الجنسية ولات ضرورة ملحة فالمدارس ! بنادم كايسمع التربية الجنسية و كايتخلع كايتخايل عباد الله عريانين فالزنقة و شي كاينيك شي في حين حشومة ف2020 و بزاف دالشباب المغاربة مازال كايعانيو من الجوع الجنسي

التربية الجنسية ولات ضرورة ملحة فالمدارس ! بنادم كايسمع التربية الجنسية و كايتخلع كايتخايل عباد الله عريانين فالزنقة و شي كاينيك شي في حين حشومة ف2020 و بزاف دالشباب المغاربة مازال كايعانيو من الجوع الجنسي

سهام البارودي – كود//

مؤخرا كانهضر مع واحد الصديقة ديالي على فترة الحيض و هي تقوليا بلي كاتحس براسها موسخة فاش كاتكون فديك الفترة و بلي كاتفضل ماتكونش عندها علاقة جنسية و بلي الدم ديال الحيض موسخ و شلا هضرة اخرى غالطة و لكن بزاف ديال الناس و بالخصوص البنات كايآمنو بيها!

حتى انا شخصيا فاش كايكونو فيا ليغيگل كانكون معنكشة مع راسي و مع الجسم ديالي و رادة البال للدم و للنظافة و للريحة و هازة الهم لبزاف د الحوايج ! و هاد البلبلة لي كانكون فيها لقيت انه جزء كبير منها هوا نتاج ترسبات دينية و ثقافية دازت لينا فالصغر هي لي خلاتنا واخا كبرنا و قرينا و تحررنا كعيالات ( كاندوي على راسي و صحاباتي لي كايشبهو ليا ! البوالات ماشي معاكم) ! قلت ليكم بلي واخا كانكبرو و كانحاولو نتحررو من بزاف د القيود المجتمعية كاينين شي حوايج لي صعيب نحيدوهم و لي مدگوگين فينا ! فحال علاقتنا مع الجسد ففترة الحيض !
الدين كايقوليك بلي الحائض ماتصليش و ماتصومش و ماتهزش القرآن و مادخلش للجامع و ماديرش كذا و ماتمشيش لكذا ! و فالاسرة كايعلموك تحشمي من دم الحيض و ماتقوليهاش و لاضراتك كرشك و سولك شي حد قولي ليه غي ضاراني و صافي بلا ماتقولي راه فيك ليغيگل حيت حشومة و مول الحانوت فاش كاتمشي عندو كايلوي ليك اولويز فجورنال و يخشيهل فميكة كحلة فحالا شارية من عندو ميترايوز ماشي اولويز ! الدين كايحرم الجنس ففترة الحيض و شي امهات كايوصلو لبناتهم افكار غالطة على فترة الحيض انها ماخاصهاش مثلا تغسل فيها و تساين تاتسالي منها عاد تكب عليها الما و شلا قصص و اساطير كاتخلي العيالات لي اصلا علاقتهم بالجسد مقودة عليها من الديبار تزيد تقواد عليها فهاد الفترة !
هادشي علاش كانشوف انه من المهم بزاف انه يدخلو دروس د التربية الجنسية سوا كمادة بوحدها سوا فمادة العلوم الطبيعية ! حايد عليا من داك الخريف لي كايقول انه المرأة الحائض موسخة و جيب ليا شنو كايقول العلم : و العلم اليوم كايقول بلي الدم د الحيض ماشي موسخ و بلي لاكانت البنت مهتمة بالجسد ديالها و بالنظافة ديالو راه ماغايجيها لا وجع لا برد لا حريق لا ريحة ! و بلي يمكن تكون عندك علاقة جنسية واخا ففترة الحيض راه غي الدين بوحدو لي محرمها اما العلم كايقوليك طحن الباگيط.

للأسف علاقة المغاربة و المغربيات مع الجسد ضارباها تالافة ! ماكايناش تربية جنسية فالمدارس و لافالأسر ! الانسان محتاج يعرف الجسد ديالو و يتصالح معاه و يعرف فوائد الجنس و كيفاش يستمتع مع راساتو و يحافظ على صحتو الجنسية و يكون عندو شريك جنسي و حياة جنسية سوية و حنا فين مامشيتي كاتسمع غي حرام حشومة لا ويلي ! غطي! خبع! ماتقولش ! ماديرش حتى كانخرجو كلنا معوقين من الزك.
التربية الجنسية غاتكون هي ديك الخطوة الاولى نحو حياة سوية للكائن المغربي حيت مايمكنش بنادم كايعاني من الجوع الجنسي ينتج و يفكر و يقرا و يخدم !

موضوعات أخرى

21/10/2020 07:00

واش بصّح شباط راجع للمغرب باش يترشح فالانتخابات الجاية.. قيادي استقلالي بارز لـ”كود”: شباط انتهى ويستحيل ياخد التزكية باسم الاستقلال وحديث عودته إشاعة ها شكون واقف موراها وها الهدف منها