كود كازا ///

تصدمو صحاب شركات مغربية حاطة فاكتوراتها عند المكتب المديري للفوسفاط بقرار غادي يقتل عدد منها. حسب شهادات ل”كود” خاص هاد الشركات اللي خدمات مع الفوسفاط وحطات فاكتوراتها ف2025 و2026 تسنى حتى 2031 باش تتخلص.

مصدر “كود” اكد باللي كاين شركات دارو معاها 2027 واخرى 2029 واخرى لاحوها حتى 2031.

هاد الشركات المتضررة مشات قصدات الوزارات الوصية والقطاعات الحكومية وحتى التجمعات المهنية باش تشكي همها. بعضها محتمل جدا يهبط الريدو.

الاستثناء فهاد الشي هي شركات البناء. هادو كيخاف منهم الفوسفاط. ايلى تعطلو فالخلاص يوقفو باباه لبني. كيخافو منهم وكيخلصوهم فالوقت.

شهادات “كود” اكدو صحابها باللي مصدومين، لان الباطرون ديال الفوسفاط كيخلص الشركات الاجنبية فوقتها وحاگر على الشركات المغربية

واش هاد تعطال عندو علاقة بازمة فالشركة ولا غير ميزاجية فمؤسسة استراتيجية للبلاد