الرئيسية > آش واقع > التخلويض فالمخيمات الصيفية جاب الربحة لمسؤولين فوزارة بنسعيد.. لجنة إدارية وقفات على الغش فالماكلة وتخلويض فصفقات تموين
04/08/2022 15:30 آش واقع

التخلويض فالمخيمات الصيفية جاب الربحة لمسؤولين فوزارة بنسعيد.. لجنة إدارية وقفات على الغش فالماكلة وتخلويض فصفقات تموين

التخلويض فالمخيمات الصيفية جاب الربحة لمسؤولين فوزارة بنسعيد.. لجنة إدارية وقفات على الغش فالماكلة وتخلويض فصفقات تموين

كود الرباط //

الشطر الأول والثاني من عملية التخييم لي طلقاتها وزارة الثقافة والشباب والتواصل، عرفات تخلويض فعدد من المدن، حسب معطيات توصلت بها “گود” فإن لجنة ادارية مركزية مشات لمراكز التخييم وقفت على اختلالات كثيرة.

وحسب مصدر “گود”، على سبيل المثال لا الحصر، لقات لجنة خاصة اختلالات في الأكل بمخيم بجهة فاس مكناس، وتم اتخاذ قرار طرد ممون الاكل على الفور من المخيم لقاوه داير ماكلة ناقصة للاطفال.

وبناء على تقارير كحلة، فان  الاعفاءات لبعض المدراء الاقليميين بسبب اخلالهم بالواجب تجاه المخيمات، كتسنا توقيع الوزير وصافي، اما تخلويض حصلو فيه.

وأكدت وثيقة رسمية حصلت عليها “گود” وجود هاد الاختلالات، وبناء عليها تم توجيه مذكرة تنبيهية للمسؤولين الجهويين والإقليميين بوزارة الثقافة والشباب والتواصل.

وافاد مصدر “گود” ان الوزير المهدي بنسعيد توصل ببعض التقارير وطالع على جزء التخلويض لي ف التموين والنظافة وكل ما يتعلق بصفقات التخييم، بحيث من المؤكد الوزير  غادي يتخذ قرارات ضد عدد من المسؤولين الإقليميين.

المخيمات ديال الدولة كيستفدو منها اطفال من اسر فقيرة وذات دخل محدود وأبناء الطبقة المتوسطة، ولكن بعض المسؤولين حالفين يطمعو فالمال العام المخصص لهاد الفئة لي خرجات من ازمة كوفيد وتحرمات من الأنشطة والخروج والتبحار.

وعلاقة بالموضوع، سبق لمجلس النواب ات حسم في تشكيلة اللجنة البرلمانية الاستطلاعية حول صفقات المخيمات الصيفية وكل ما يتعلق بتدبير هذه المخيمات من نظافة وتغذية واختيار الأطر وشبهات الاعتداءات الجنسية على الأطفال.
صفقات التخييم لي كلفات الملايير من ميزانية الدولة، كتحوم حولها شبهات احتكار من طرف جوج شركات، واحدة ديال قيادية استقلالية بارزة واللي عليها شبهات كثيرة.

بالنسبة لمصدر فاللجنة البرلمانية هضر مع “كود” فإن :”المهمة الاستطلاعية غادي طلب جميع الوثائق ديال الصفقات وغادي توقف على واقع المخيمات ودير تقرير لن يحابي اي حزب او طرف او شركة”.

موضوعات أخرى