الرئيسية > ميديا وثقافة > التحقيق مع عمر الراضي مازال مستمر.. وباه لـ”كود”: ولدي مآمن بقضيتو وبراءتو وجاو محامين كثار يآزروه
22/09/2020 12:00 ميديا وثقافة

التحقيق مع عمر الراضي مازال مستمر.. وباه لـ”كود”: ولدي مآمن بقضيتو وبراءتو وجاو محامين كثار يآزروه

التحقيق مع عمر الراضي مازال مستمر.. وباه لـ”كود”: ولدي مآمن بقضيتو وبراءتو وجاو محامين كثار يآزروه

عفراء علوي محمدي- كود//

هذي كمالة ساعتين بالحساب باش مثل الصحافي عمر الراضي عند قاضي التحقيق فأول جلسة ديال التحقيق التفصيلي فمحكمة الاستئناف فكازا.

وفتصريح والد الراضي ل”كود”، قال أنه ” بخير، ومطمئن لقضيته، ومتأكد من براءته من جميع التهم اللي توجهات ضدو مهما تقرر في حقه”، على حد تعبيرو.

وزاد أن التحقيق مازال مستمر مع الراضي فهذ الأثناء، وأنه كيتسنى مع الأم ديالو ومجموعة من الحقوقيين بجوار المحكمة نهاية الجلسة باش يعرفو المستجدات.

وقال أن بزاف دالهيئات وقفات فجنب الراضي، ونظمات وقفة تضامنية معاه أمام المحكمة، كيف جاو محامين كثار لمؤازرتو.

واتصلات “كود” بمحامي الراضي، ميلود قنديل، لكنه جاوب بأنه ميقدرش يتكلم لأن داخل الجلسة، والتحقيق مازال ماسالاش.

والراضي مشدود من 29 يوليوز بسبب تهم “المس بسلامة الدولة” و”التخابر مع عملاء أجانب” و”الاغتصاب”.

موضوعات أخرى

23/10/2020 11:00

الجدارمية مزال مفكو لغز الاختفاء الغامض للطفل “الحسين”: هادي اكثر من سيمانة مبان ليه آثار والمشتبه فيه اللّي تشد طلع غير نصاب ومعارفش مكان تواجد المختفي

23/10/2020 10:00

جهاز القوات المساعدة.. تعيين الجنرال دو ديفيزيون جبران مفتشا عاما بالمنطقة الشمالية خلفا للجنرال مستور وها شكون تدار فالمنطقة الجنوبية