الرئيسية > آش واقع > التحقيق مع برلماني من الأحرار وخوه رئيس جماعة فتاونات فقضية كبيرة وعبو لـ”كود”: يلا كان متورط غادي نتبرؤو منو
12/01/2019 21:05 آش واقع

التحقيق مع برلماني من الأحرار وخوه رئيس جماعة فتاونات فقضية كبيرة وعبو لـ”كود”: يلا كان متورط غادي نتبرؤو منو

التحقيق مع برلماني من الأحرار وخوه رئيس جماعة فتاونات فقضية كبيرة وعبو لـ”كود”: يلا كان متورط غادي نتبرؤو منو

عمـر المزيـن – مكتب الرباط//
omarelmouzaine@gmail.com

علمت “كود”، من مصادر خاصة، أن برلماني من التجمع الوطني للأحرار كتحقق معاه الضابطة القضائية بمدينة زاكورة منذ عصر اليوم السبت. ووفق ما كشفت عنه مصادرنا، فإن هاد التجمعي كانو داروه فاللاّئحة ديال الشباب بتاونات إبان الانتخابات الأخيرة وخدا مقعد برلماني.

وكشفت المصادر نفسها، لـ”كود”، أن التحقيق مع هاد البرلماني جاء بعد حجز أطنان من المخدرات كانت تحجزات بداخل واحد الكميو اللّي صرّح سائقه أثناء البحث معه أنه خدام مع هاد البرلماني ومع خوه رئيس إحدى الجماعات القروية بتاونات. لكن مقرب من هاد البرلماني كيقول لـ”كود” أنه جرّا على هاد الشيفرو شحال هادي ومعندو بيه علاقة، لكن التحقيق غادي يبيّن واش تصفية حسابات أو حقيقة.

محمد عبو المنسق الجهوي ديال حزب التجمع الوطني للأحرار لجهة فاس مكناس أكد الخبر ديال التحقيق مع هاد البرلماني. وقال لـ”كود: صحيح تم التحقيق معه لكن ليس معتقلا حسب علمي ويلا كان بصح متورط فشي قضية ديال الاتجار في المخدرات فالحزب بريء منه ويلا كان مظلوم غادي نوقفو معاه”.

موضوعات أخرى