كود – كازا ///

قالت تقارير إعلامية، إن السلطات المغربية بدات تحقيق ف ظروف حصول المافيوزي “الدزايري” اللي تشد ف مراكش واللي يعتبر أحد أكثر الأسماء المطلوبة للعدالة ف بلجيكا على الجنسية المغربية.

وحسب المصادر ذاتها، كاينة شي حاجة ما مفهوماش حول كيفاش استفاد مجرم من الجنسية ديال البلاد، واخا كتسناه 19 عام ديال الحبس ف بلجيكا لارتكابه جرائم خطيرة مختلفة، بما في ذلك تهريب المخدرات والهجمات بالقنابل اليدوية.

وتم اعتقال المعني بالأمر من طرف المصالح الأمنية المغربية ف الشهر الفايت. المتهم عندو ارتباطات قوية ومباشرة بعالم الجريمة المنظمة ف أوروبا. وبسباب صراعات بين مافيات بلجيكا، هرب ل دبي وكان كيزور المغرب وف صيف 2022، تشد ف مراكش، وبسباب عدم وجود إدانات نهائية، تطلق سراحو بعد حصوله على الجنسية المغربية.