الرئيسية > آش واقع > التحريض على الكراهية و السب والقذف شراها للمحامي عبوز اللي مشى ضحية التمرد على تدابير الحجر الصحي
01/04/2020 14:52 آش واقع

التحريض على الكراهية و السب والقذف شراها للمحامي عبوز اللي مشى ضحية التمرد على تدابير الحجر الصحي

التحريض على الكراهية و السب والقذف شراها للمحامي عبوز اللي مشى ضحية التمرد على تدابير الحجر الصحي

كود الخميسات//

قررت النيابة العامة بالخميسات متابعة المحامي ميلود عبوز بهيئة الرباط، بعدما شبع سبان فواحد القايدة بعبارات جنسية و بشكل طايح.

عبوز مخلا تواحد مسبو فشي فيديوات على المباشر بمواقع التواصل الاجتماعي. هاذ الشي مخلاش الهيئة ديال المحامين ديالو تعاطف معاه، حيث اول واحد خاصو يحترم القانون هو المحامي خاصة التجريح و الإساءة للناس و الطعن فشرفهم وكرامتهم.

من حق المحامي يعترض على سلوك القايدة و لكن ميسبهاش بكلام جنسي ويتهمها بأسلوب سوقي. كان يكفي يدير شكاية للنيابة العامة لكى مخالفة للقانون و يعطي القدوة.

المحامي عبوز غيدوز فجلسة ف23ابريل الجاري. و التهم اللي متابع بها هيا اهانة هيئات منظمة وإهانة موظفين عموميين بسبب قيامهم بمهامهم، التحريض العلني على الكراهية بواسطة الوسائل الالكترونية اضافة لللسب والقذف العلنيين.

هاذ القضية بدات ملي واحد القايدة طلبت من المحامي يلتزم بالحجر الصحي معجبوش الحال وتطورت الأمور لاعتقالو وحبسو احتياطيا إلى حين عرضو بجلسة فهاذ الشهر.

موضوعات أخرى

06/06/2020 19:00

واحد كيبيع ماحية مخدم معاه الجوندارم والمحكمة والموظفين عوض الدولة تدير ليه كروصة فيها ثلاجة ديال المبادرة ويولي يخلص ضريبة كتنوض تسيفطو للحبس وتولي هي تخسر عليه.. صحاب الماحية..الحشيش .الدعارة .الفراشة الكارديانات كولشي خاص يولي يخلص الضريبة

06/06/2020 18:30

الوضعية الوبائية لكورونا فجهات وأقاليم المغرب: جهة كازا رجعات كتسجل إصابات كثار وفيها 322 من المخالطين.. و5 جهات ماسجلو حتى حالات جداد

06/06/2020 18:00

هادي هي محنة الدجاجة بلا بزازل ! كاينين شي وحدين كايفيق عليهم داك حس التضامن مع المرا غا لاكانت كبيرة فالسن و حالتها مكرفصة و مقودة عليها و مسمينها ” مي شي حاجة” ! اما فاش كاتكون صغيرة و زوينة و عاطية للعين ديك الساعة كايعطيوها غا للراس قولا و فعلا!

06/06/2020 17:30

حصيلة كورونا هاد النهار: 80 تصابو و47 تشافاو وحتى واحد ما مات.. الطوطال: 8151 حالة و208 متوفي و7315 متعافي.. ومازال 7247 مخالط تحت المراقبة

06/06/2020 16:30

ضجة إطلاع السفيرة الفرنسية على مضامين لجنة النموذج التنموي.. عصيد لـ”كود”: كولشي عارف أن التقرير فالنهاية غادي يكون محكوم بنظرة الخبراء الأجانب والخطأ ديال السفيرة ماشي اللجنة

06/06/2020 15:30

كورونا.. فريق جامعي مغربي فيه الوزير أمزازي دار سابقة دولية: قارن الجينومات المغربية للفيروس مع 30 ألف جينوم دوليا والنتيجة بينات ان اللقاح يقدر يكون ناجع عالميا