الرئيسية > آش واقع > خاص. التحالف بين البي جي دي و البام. بنكيران مقلق وطالع ليه الدم على الذل اللي طاح على حزبو وولى مطيح سروالو ويدور
10/12/2019 12:30 آش واقع

خاص. التحالف بين البي جي دي و البام. بنكيران مقلق وطالع ليه الدم على الذل اللي طاح على حزبو وولى مطيح سروالو ويدور

خاص. التحالف بين البي جي دي و البام. بنكيران مقلق وطالع ليه الدم على الذل اللي طاح على حزبو وولى مطيح سروالو ويدور

كود احمد الطيب الرباط ///

التقارب بين الاصالة والمعاصرة والعدالة والتنمية مقلق عبد الاله بنكيران الامين العام السابق لحزب العدالة والتنمية. وفق معطيات حصلت عليها “كود” فبنكيران ماشي غير مقلق من هاد التقارب اللي بدا فانتخاب رئيسة جهة طنجة تطوان الحسيمة ودخول البي جي دي هاد التحالف٬ بل “طالع ليه الدم”.

يعتقد بنكيران وفق مصدر “كود” ان “الحزب طاح عليه الذل” بهاد الدفع بهاد التحالف والتسويق له والترويج اليه والحديث على امكانية تشكيل حكومة بين الحزبين مستقبلا.

بنكيران وفق مصدر “كود” مقلق حقاش هاد الشي ما عندو معنى. عا تا جا. بدون سابق اعداد وتنسيق حزبي داخلي. هاد الشي كيطرح شكوك. شكون طرحوه وعلاش. فتصور بنكيران فحتى الحديث على اللعب بورقة البام لمواجهة الاحرار ماشي مقنعة.

دابا هاد العربي لمحارشي احد داعمي حكيم بنشماس الامين العام لحزب الاصالة والمعاصرة كيقول فخرجة اعلامية مؤخرا باللي خاص اولا قواعد الحزب ومؤتمرو يقبلو هاد التحالف اولا.

هذا هو الذل. البي جي دي اللي كان كيعاير ف”الوافد الجديد” وكيتشدق بالديموقراطية علمو هاد الوافد الجديد كيفاش خاصو يدير باش ياخد القرارات.

هاد الشي زاد قلق الامين العام لحزب العدالة والتنمية السابق. وفق مصدر “كود” فانه ما يمكنش لحزب جا باش يقضي علي البي جي دي ودار معارك كبيرة ضدو تجي تطوى الصفحة بهاد البساطة بلا حوار داخلي بلا نقاش بين هيئات الحزب.

هاد التقارب كان اكد عليه سليمان العمراني٬ نائب الأمين العام لحزب العدالة والتنمية فحوارو مع “اخبار اليوم”. قال حرفيا أن تحالف حزبه مع حزب الأصالة والمعاصرة على صعيد جهة طنجة تطوان الحسيمة، هو “تحالف تدبيري”، دون أن يغلق الباب أمام إمكانية وقوع تحالف سياسي بينهما مستقبلاً.

العمراني برر هاد الانقلاب ب360 درجة فموقف الحزب بكون “البام تبدل باش مشى منو الياس العماري وانو كيعيش اليوم مخاض كتبين باللي كاينة ولادة جديدة لهاد الحزب.

العدالة والتنمية كيعول علي ان الحزب غادي يشدو المحامي عبد اللطيف وهبي مستقبلا. هادي مخاطرة حقاش حتى حاجة ما مضمونة.

حزب البي جي دي فزمن بنعرفة فقد بريقو. مستعد لاي حاجة باش يرضي اي جهة واخا حتى حد ما طالب منو شي حاجة.

موضوعات أخرى