كود – كازا///

علمات “كود” باللي الفرقة الوطنية للشرطة القضائية فكازا سمعات اليوم الأربعاء لمحمد أوزين الأمين العام ديال الحركة الشعبية بتعليمات من الوكيل العام اللي كان علن على فتح بحث قضائي معاه.

حسب ما علمته “كود” تم الاستماع إلى أوزين كمصرح ومشى فحالو.

التحرك السريع ديال النيابة العامة كان جا مباشرة بعدما خرج شي فيديو فالسوشيال ميديا كيتعلق بكلمة دارها الأمين العام لحزب الحركة الشعبية، وكان صرّح فيها باللي الحزب ديالو “السبولة” مستهدف باستعمال أساليب متنوعة، من بينها التجسس على البورطابلات.

داك الساعة، حسب بلاغ سابق للوكيل العام تم تكليف الفرقة الوطنية بالبحث القضائي من أجل التثبت من صحة ما ورد في الادعاءات المذكورة وترتيب الآثار القانونية اللازمة على ضوء ذلك.

وكان محمد أوزين قد صرّح، خلال تجمع خطابي بمدينة برشيد، بأن موقع «شوف تيفي» يتجسس عليه. دبا أوزين جبد النحل على راسو. خاصو يجبد الدليل باللي هاد الكلام ديالو صحيح.