الرئيسية > آش واقع > التجسس ب”پيگاسوس”. بوريطة يتهم: الاسئلة الحقيقية هي شكون عندو مصلحة يضر بلادنا وشكون اللي ما باغيناش نلعبو دور بناء دوليا
22/07/2021 17:30 آش واقع

التجسس ب”پيگاسوس”. بوريطة يتهم: الاسئلة الحقيقية هي شكون عندو مصلحة يضر بلادنا وشكون اللي ما باغيناش نلعبو دور بناء دوليا

التجسس ب”پيگاسوس”. بوريطة يتهم: الاسئلة الحقيقية هي شكون عندو مصلحة يضر بلادنا وشكون اللي ما باغيناش نلعبو دور بناء دوليا

كود الرباط ///

اتهم وزير الخارجية والتعاون ناصر بوريطة جهات ما سماهاش بالوقوف وراء الحملة ضد المغرب وقال فحوار ف”جون افريك” “هاد الشي راه حملة وتشويه للمغرب. ووضح هاد الشي باش قال “واش هادي حملة؟ نعم. واش هادا تشويه للبلاد؟ اكيد. واش شي حد اوركيسترا هاد الشي؟ اليوم غادي يورينا شكون”.

بوريطة اعتبر ان الاسئلة الحقيقية هي  “شكون اللي عندو مصلحة يضر ببلادنا. شكون اللي ما باغيهاش يلعب دور بناء دوليا”.

وقال باللي “كل شخص او منظمة اتهمات المغرب خاصها تجيب الدليل او تتحمل مسؤولية ما نشرته من ترهات قدام العدالة”.

فهاد الحوار مع “جون افريك” هاجم ” بعض الجمعيات وقال باللي ما قدراتش تميز بين المغرب الناجح اللي كيقوي سيادتو على جميع المستويات وباللي هادو باغيين يضغطوه ويعتاقدو يتحكمو فيه.

ثم ختم بسخرية. راه كاين افراد كثار كيشكلو تهديد مباشر لامن المغرب وامن شركائه. وراه الاجهزة الامنية مشغولة بهاد الشي وما عندهاش الوقت لهادوك اللي كيعتاقدو ريوسهم مهمين.

https://www.jeuneafrique.com/1207055/politique/affaire-pegasus-nasser-bourita-qui-a-interet-a-ostraciser-le-maroc-cest-la-la-vraie-question/

موضوعات أخرى

31/07/2021 11:30

فوضى كبيرة فـ قطاع النقل.. ارتفاع صاروخي فـ الأسعار ورئيس الجامعة المغربية لحقوق المستهلك لـ”كَود”: الأثمان المحددة فـ القانون ما كاتحتارمش

31/07/2021 11:00

شوف البؤس والانحطاط والتجني وقلة الترابي وانعدام الأخلاق والمبادئ والفقر الحقوقي والانساني لي وصلات ليهم الجمعية المغربية لحقوق الانسان لي من بعد ماتحولات لحانوت ديال تاعطايت هاهي دابا كتحول لمحكمة تفتيش وباغا تدعي قضائيا موقع كود