وكالات//

شهدات ولاية تكساس، عشية الأربعاء، انفجار كبير ديال صاروخ تجريبي تابع لشركة “سبيس إكس” خلال تجربة فواحد منصة الإطلاق، وهادشي خلا كرة ديال العافية كبيرة تبان فالسما، لكن مكانوش إصابات فالبشر.

الشركة أكدت فبلاغ نشرتو فـ”إكس” (تويتر سابقاً)، أن مركبة الإطلاق “ستارشيب” وقع ليها “خلل كبير” مع الحادية عشر ديال الصباح تقريبا، فالموقع ديال “ستاربيز” اللي تابع ليهم فجنوب تكساس، وكانو كيتسناو يديرو بها التجربة العاشرة ديال الطيران.

سبيس إكس قالت باللي كانت دايرة منطقة أمان خاوية حدا مكان التجربة، وكلشي الناس بخير، وكاين تنسيق دابا مع السلطات المحلية باش يعرفو سبب الانفجار ويتعاملو مع النتائج ديالو.

وصاروخ “ستارشيب” هو من بين المشاريع الأساسية فطموحات سبيس إكس باش يطورو مركبات تمشي بالبشر للقمر والمريخ. ودازت عليه تجارب كثيرة قبل، وبعضها حتى هو كان كيوقع فيه انفجار، خصوصاً فالبداية ديال التطوير.