محمود الركيبي -كود- العيون //

عرف افتتاح موسم الموكار بطانطان، البارح السبت، زيارة جناح دولة الإمارات الشريك الرسمي للموسم هادي تسع سنين، ولي مشاركة بوفد كبير هاد المرة، وعرضو فالجناح ديالهم الثقاقة والتراث الإماراتي المتنوع والرقصات الخليجية.

والوفد مشا كيزور كذلك، أجنحة أخرى خاصة بالجمعيات المحلية بجهة وادنون، لي طرحات معروضات ديالها التقليدية ولي كتهم اللباس والأكل التقليدي والبخور والأواني، وهادشي كان على أنغام الموسيقى المحلية المتنوعة، قدماتها فرق من طانطان وكلميم.

حضر حفل الافتتاح وفد رسمي، يتقدمه رئيس المؤسسة فاضل بنيعيش وعضو باللجنة التنفيذية لليونيسكو وسفير دولة الإمارات بالرباط، ووالي الجهة الناجم ابهي وامباركة بوعيدة رئيسة جهة كليميم وادنون.

الافتتاح الرسمي، سالا بعروض التبوريدة لي دارة مسابقة بين الفرق المشاركة، وكذلك عروض سباق الإبل لي شاركات فيها فرق من الصحرا، لي كانت قدام اعين الوفد الرسمي وآلاف المواطنين لي جات تشوف هاد التنوع الثقافي بين المغرب والإمارات.