كود – عن جون افريك//

غاتدعم سيادة المغرب على كاع أراضيه بما فيها الاقاليم الجنوبية.. فرنسا غادي ترجع لبلادنا 2.5 مليون وثيقة من أرشيف الإستعمار وها التفاصيل..

كشف تقرير د مجلة “جون أفريك” أن فرنسا كتوجد باش ترد 2.5 مليون وثيقة عندها علاقة بالفترة الاستعمارية.

و بحسب التقرير، فإن الرئيس الفرنسي إيمانويل ماكرون وعد بهادشي خلال الزيارة الأخيرة اللي دار لبلادنا.

وجا فالتقرير، أن الوثائق الإستعمارية اللي غادي ترجعها فرنسا للمغرب غاتدعم حجج و مطالب السيادة على كافة أراضي المملكة بما فيها الاقاليم الجنوبية.

وكتبات “جون أفريك” ان ماكرون وعد بتسليم المغرب أرشيفات من الاستعمار، وهادشي ماشي سابقة ، حيث سبق وأن سلمت السلطات الفرنسية للمغرب عدد كبير من وثائق الأرشيف فشتنبر 2022.

هاد الأرشيف فيه سجلات تاريخية تقدر حتى تدعم مطالب المغرب بأراضي فالصحرا الشرقية، اللي عند الجزائر دابا.