الرئيسية > تبركيك > التأثير ديال الكذوب.. عبير براني كتنصح المغربيات بعدما ربحاتهم آيفون11
19/11/2019 20:00 تبركيك

التأثير ديال الكذوب.. عبير براني كتنصح المغربيات بعدما ربحاتهم آيفون11

التأثير ديال الكذوب.. عبير براني كتنصح المغربيات بعدما ربحاتهم آيفون11

نجوى المالحي-كود//

هادي سيمانة خرجات عبير براني لي معندهاش شي صفة محددة من غير أنها أخت المغنية كوثر براني وعندها متابعين في انستكرام في لقاءات كتقول أنها كتشد 2 مليون غير في الشوتينكْ وأنها كتدخل فلوس صحيحة غير من العالم الافتراضي واخا هي ما ممثلة ما شخصية ما مغنية.

هاد الهضرة ضرباتها كاملة في الزيرو ملي بغات تدوي مع المغربيات هاد اليوماين في سناب شات بعدما ربحات وحدة تلفون ايفون 11 لي ساوي مليون درهم.

عبير لي عندها مليون متابع بالسبونسورينكْ قالت “بزاف سيفطو لي مساجات باش نربحهم حيت حلمهم يكون عندهم ايفون.. ايفون را غير تلفون يقدر يطيح ويتهرس، خاص الواحد يكون عندو أحلام أكبر”.

هاد السيدة لي يوميا كتسارا وكتلبس وراكبة في سيارة ساوية 40 مليون خاصها تكون هي مثال وكدير بالنصائح لي كتقدمها، أما التأثير ديال الكذوب ماخدامش.

موضوعات أخرى

26/09/2020 21:30

خاص. تقربلات ف المكتب السياسي للبام ومصدر لـ”كود”: خلاف كبير بين وهبي والحموتي وكودار على القاسم الانتخابي والمنصوري دارت الوساطة