كود – الحاجب////
بتاريخ 27 فبراير الفايت تنشر فـ”كود” خبار على الحكم اللي صدر عن محكمة الاستئناف ففاس فحق رئيس جماعة تامششاط اللي تابعة لإقليم الحاجب، وكانت إشارة فهاد المقال باللي هاد المتهم المدان بعقوبة حبسية مدتها عام نافذ ينتمي لحزب العدالة والتنمية، لكن حينها كان تأكد ليها أن رئيس هاد الجماعة معندو علاقة بالبي جي دي وتم حذف عبارة “عن حزب العدالة والتنمية”.
الكتابة الإقليمية ديال الحزب فالحاجب دارت بيان ونفات فيه أن يكون هاد السيد عندو علاقة بيهم سواء تنظيميا او سياسيا، وحنا ف”كود” كنقدمو اعتذار لحزب العدالة والتنمية على هاد الخطأ المهني غير المقصود.
كما نود فموقع “كود” الاعتذار لجميع مناضلي البي جي دي على المستوى الوطني على هاد الخطأ المهني اللي ماشي مقصود، وإقليم الحاجب خاصة، ونجدد التأكيد باللي مكانش شي سوء نية مورا هادشي، ونحرص كل الحرص على احترام أخلاقيات المهنة وقواعدها اللي ديما كندافعو عليها فـ”كود”.
وكانت غرفة الجنايات الاستئنافية المكلفة بالبث فجرائم المالية قد قررت إلغاء القرار المستأنف فيما قضى به من براءة المتهم عبادي حسن (رئيس جماعة تامشاشاط) من “جناية الارتشاء”، والحكم من جديد بإدانته من أجلها، ومعاقبته بسنة واحدة حبسا نافذا وغامة نافذة قدرها 30000.00 درهم وتأييد القرار في باقي مقتضياته وتحميل المحكوم عليهما الصائر تضامنا والإجبار في الأدنى.
