الرئيسية > آش واقع > البي جي دي تعزل.. مصدر بلجنة الداخلية لـ”كود”: بغاو يعطلو التصويت على تقنين الكيف ويخليوه للولاية المقبلة وهادشي ميمكنش يكون وها علاش
22/04/2021 21:45 آش واقع

البي جي دي تعزل.. مصدر بلجنة الداخلية لـ”كود”: بغاو يعطلو التصويت على تقنين الكيف ويخليوه للولاية المقبلة وهادشي ميمكنش يكون وها علاش

البي جي دي تعزل.. مصدر بلجنة الداخلية لـ”كود”: بغاو يعطلو التصويت على تقنين الكيف ويخليوه للولاية المقبلة وهادشي ميمكنش يكون وها علاش

كود الرباط//

قال مصدر بلجنة الداخلية بمجلس النواب، لـ”كود”، إن مشروع تقنين الكيف يحظى بدعم قوي داخل اللجنة، خصوصا من قبل فريقي البام والاستقلال، واللي عندهم اغلبية كافية لتمرير المشروع.

وأوضح ذات المصدر أن فريق البي جي دي خالف النظام الداخلي لمجلس النواب، عندما حاول تمرير رسائل الى وزير الداخلية عبر المباشر، حيث آخذ نقطة نظام بهدف تمرير رسالة واضحة بدل الحديث عن التسيير أو الشكليات المرتبطة باللقاء.

فريق البي جي دي خدا كلمة مساء اليوم الاربعاء 22 أبريل، بلجنة الداخلية، طلب من خلالها وزير الداخلية باش يمدهم بالدراسة اللي دارت الداخلية على جدوى تقنين الكيف.

مصدر باللجنة قال بلي الدراسة كاينا ولكن ميمكنش تخرج دبا حيث فيها تفاصيل خاصة. مؤكدا أن “المشروع غايدوز هاد العام قبل الانتخابات، واخا يطلب البي جي دي رأي المجلس الاقتصادي والاجتماعي، لأن الرأي الأخير واخا يكون ضد تقنين، غانصوتو عليه”.

وأوضح ذات المصدر أن “نقطة النظام في التسيير معندها علاقة بطلب جدوى الدراسة”.

البي جي دي دوز مساج بالقول :”باش نصوتو خصنا نصوتو ببصيرة بالاطلاع على الدراسة”.

وزير الداخلية هضر اليوم على منافع تقنين الكيف من الناحية الطبية والاجتماعية.

كاين تناقض وسط البي جي دي، الوزراء ديالهم صوتو على تقنين الكيف والفريق البرلماني مبغاش يدوز فهاد الولاية الحكومية.

موضوعات أخرى

17/05/2021 20:20

الحكومة و رجوع مغاربة العالم فهاد الصيف.. النائب البرلماني حجيرة: خاصها توضح الإجراءات اللي موجدة لهاد العملية – وثيقة