الرئيسية > آش واقع > “البي جي دي” باغي يطيّح عمدة وجدة من الكرسي ديالو.. عمر حجيرة لـ”كود”: كيمارسو حقهوم فالمعارضة وها شنو خاص لوجدة
12/09/2018 06:00 آش واقع

“البي جي دي” باغي يطيّح عمدة وجدة من الكرسي ديالو.. عمر حجيرة لـ”كود”: كيمارسو حقهوم فالمعارضة وها شنو خاص لوجدة

“البي جي دي” باغي يطيّح عمدة وجدة من الكرسي ديالو.. عمر حجيرة لـ”كود”: كيمارسو حقهوم فالمعارضة وها شنو خاص لوجدة

عمـر المزيـن – مكتب الرباط:

حزب العدالة والتنمية باغي يطيّح رئيس المجلس الجماعي للمدينة الاستقلال عمر حجيرة. فحسب مصادر جماعية، لـ”كود”، فإن فريق البي جي اللّي كيتواجد داخل المعارضة فالمجلس ديال عاصمة الجهة الشرقية يُسابق الزمن للإطاحة بحجيرة وتفيعل المادة سبعين من القانون التنظيمي ديال الجماعات المحلية خلال دورة أكتوبر المقبلة”.

وفي أول ردّ له على هاد الخطوة المفاجئة اللّي بغا يدير ليه، قال عمر حجيرة، عمدة مدينة وجدة، في تصريح لـكود: هاد المناورات ديال العدالة والتنمية عادية حقاش كيمارسو حقهم الطبيعي بحكم موقعهم في المعارضة”.

وزاد القيادي البارز في صفوف الاستقلال، في ذات التصريح، قائلاً: “مدينة وجدة محتاجة اليوم لتجميع الجهود والابتعاد عن الحسابات السياسية الضيقة للخروج من الأزمة الاقتصادية والاجتماعية التي تعيشها الساكنة”.

يُشار إلى أن المادة 70 من القانون التنظيمي ديال الجماعات المحلية “تجيز لثلثي أعضاء المجلس بعد انصرام 3 سنوات من مدة انتدابه تقديم ملتمس لرئيس المجلس والمطالبة بتقديم استقالته”.

فريق “المصباح” فالمجلس الجماعي ديال وجدة، حسب مصادر “كود”، كيبحث دبا على أعضاء آخرين من البام باش يتمكنو من جمع ثلثي أعضاء المجلس بشكل قانوني. يعني دايرين عينيهوم فحجيرة لكن هذا الأخير ممسوقش ليهم وداير خدمتو كما يجب.

موضوعات أخرى