الرئيسية > آش واقع > البي جي دي انتصر سياسيا.. واخا التلفونات مبغاش يتراجع وحرج الاحزاب والمالكي هبط كواريه
05/03/2021 19:30 آش واقع

البي جي دي انتصر سياسيا.. واخا التلفونات مبغاش يتراجع وحرج الاحزاب والمالكي هبط كواريه

البي جي دي انتصر سياسيا.. واخا التلفونات مبغاش يتراجع وحرج الاحزاب والمالكي هبط كواريه

كود الرباط//
بعد الكر والفر، اتفق رؤساء الفرق البرلمانية مع رئيس مجلس النواب، باش يبداو جلسة التصويت على مشاريع القوانين الانتخابية.
مصدر “كود” كشف بلي الحبيب المالكي رئيس مجلس النواب، اتصل برئيس الحكومة باش يطلب منو يحضر فريق البي جي دي بعدد اقل (30 برلماني) وفقا للاجراءات الاحترازية.

البي جي دي رفض، ورئيس الفريق البرلماني ديال هاد الحزب طلع السقف، وتحداو المالكي والاحزاب، وخربقو حسابات الاحزاب اللي بغات دوز القاسم الانتخابي على اساس المسجلين.
البي جي دي جا موجد وحافظ سواريه، دار القانون، وجاب البرلمانيين من كل المدن، منها برلمانية جات من الداخلة عاد ولدات.

البي جي دي عطا درس لباقي الاحزاب على الانضباط والتمسك.بالموقف السياسي.

الجلسة بدأت بعدما أكد فريق العدالة والتنمية على حق جميع النواب في الحضور طبقا لقرار المحكمة الدستورية الذي صدر السنة الماضية أثناء فترة الحجر الصحي.

وزير الداخلية عبد الوافي شدد على ضرورة احترام التباعد الاجتماعي.

المالكي، رئيس مجلس النواب كان رفض حضور 120 برلماني من البي جي دي، واشترط بدء جلسة التصويت بحضور فقط 30 نائب من البي جي دي.
طلب المالكي ماشي دستوري واضطر يتراجع عليه.
حسابيا الاحزاب الاخرى وجدات راسها وجابت كثر من 130 برلماني باش يصوتو على القاسم الانتخابي على اساس المسجلين.

موضوعات أخرى

21/04/2021 19:10

قضية الممثلين الدزايريين اللي مشدودين بسباب إهانة دراري مغاربة ف مراكش.. المتهمين خداو التنازل من عائلات الضحايا والملف دخل للمداولة

21/04/2021 18:00

المغاربة كثار وأنواع ومتحرموش غير من التراويح تحرمو حتى من العرايض والزرود والقهاوي والشيشة والكاباريات والسهرات والنشاط والقصاير والزطلة وكاع الأنشطة لي كيمارسوها في هاد الشهر الكريم علاش باغين تقنعونا أنهم تحرمو غير من التراويح؟