كود كازا//

من بين الناس لولين لي دارو رياكسيون على كلاش “المتنبي” ديال ديزي دروس هو الرابور المعني بالأمر الأول الدون بيگ.

مول “كحل وبيض” خلا الكلمات والهضرة كاملة لي جات ف 7 الدقايق، وداز ليه للموسيقى لي هي في الأصل من أغنية “مافيا” ديال الرابور ريك يدوس.

الأغنية قديمة خرجات في 2009 وضاربة شي 11 مليون مشاهدة، والبيگ لقا منين يشد ديزي دروس وبقا عليه بهاشتاگ “Be creative”، حيت عزي عندو ستيلو مشهور ب”لي روميكس”، ونجحات لو “فوق الشواية” و”رد البال”.

مول استوديو DBF بقا عاصر على ديزي بالستوريات، وكاين شي ستوريات كتبهم ومسحهم ديك ساعات. المهم القضية مازال سخونة، والوقت غادي تبين حوايج آخرين.