كود ـ وكالات//

الطيار الهندي سميت ماتشهار، اللي كان كيسوق طائرة تابعة لـ«فلاي دبي» من دبي لتل أبيب، عاود لرئيس الوزراء الهندي ناريندرا مودي تفاصيل الرعب اللي عاشها فالرحلة، بعدما هجم عليه مساعد الطيار وحاول يطعنو.

وقال الطيار  «فهمت أن الطيارة غادية كتطيح  مني كنت مليوح فلارض ..شفت الباب قدامي، وقلت خاصني غير نفتحو».

وبالفعل، قدر ماتشهار يفتح الباب الشي لي خلا  الركاب وأفراد الطاقم يدخلوا ويعاونوه، قبل ما يشدو  مساعد الطيار.

الطيارة كانت هازة 174 واحد، قبل ما تهبط بشكل مفاجئ ب 4 كيلومتر فأقل من 30 ثانية قبل ما تنزل الطيارة فالسعودية.

ماتشهار قال لمودي: «كنعرف أن هانومان (اله هندوسي) وهو اللي نجاني حيث بقيت كنصلي له هو لي عطاني الشجاعة» ومن المعلوم انه الهندوس وقت الخوف كيدعيو لهانومان باش يعاونهم.

البيلوط ماتشهار كان تعرض لهجوم بالموس من طرف صاحبو لي  عندو أصول عمانية بعدما ما خلاش فرصة لمساعد ديالو فين يخطف الطيارة حيث كان راد البال وشاك فيه بغا يدير شي زبلة حسب ما قال.