الرئيسية > تبركيك > البيكَ: ديزي دروس عجبني فالكلاش وفكرني فراسي هادي 12 لعام وهضرتو فيها لي صحيح وفيها الكذوب
07/01/2019 17:15 تبركيك

البيكَ: ديزي دروس عجبني فالكلاش وفكرني فراسي هادي 12 لعام وهضرتو فيها لي صحيح وفيها الكذوب

البيكَ: ديزي دروس عجبني فالكلاش وفكرني فراسي هادي 12 لعام وهضرتو فيها لي صحيح وفيها الكذوب

كود هناء ابو علي ////

هادي نص ساعة الرابور دون بيكَ دار لايف في انستكَرام دوا فيه على كلاش “المتنبي” لي طلق ديزي دروس البارح في ليل، وبكل روح رياضية توفيق حازب اعترف بأن الطراك واعر، وعجبو كيفاش خدم عليه ديزي.

وقال حازب أن ميستر كازا فونيا هو أول واحد من الدراري لي كلاشا جاوبو بالمستوى لي خاص يكون، ماشي بحال لاخرين (كيقصد حليوة وميستر كريزي) لي جاوبوه بكلاشات عيانين بزاف.

على امتداد 20 دقيقة البيكَ بقا كيشكر في ديزي، وفي الكلاش لي قال أن فيه بزاف ديال الحوايج صحاح، وفيه بزاف ديال الكذوب ولكن عموما فلو مزيان.

وضروري البيكَ ما يدق ويحشي المعاني، وقال أن ديزي فكرو فراسو ف 2006, حيت رابا كيفما كان كيرابيو هوما بالمعاني والهضرة.

موضوعات أخرى