الرئيسية > آش واقع > البيزنس قبل السياسة. حجوي من اصغر سفرائنا فتاريخ الديبلوماسية عندو 37 عام. خدم مع التراب ومعول عليه المغرب يرجع من الرباط باب لبريطانيا لافريقيا وهشام علوي باه سفير وبنت عمو نادية من مؤسسي البام وفريدجي من الباطرونا للنرويج
07/07/2020 11:30 آش واقع

البيزنس قبل السياسة. حجوي من اصغر سفرائنا فتاريخ الديبلوماسية عندو 37 عام. خدم مع التراب ومعول عليه المغرب يرجع من الرباط باب لبريطانيا لافريقيا وهشام علوي باه سفير وبنت عمو نادية من مؤسسي البام وفريدجي من الباطرونا للنرويج

البيزنس قبل السياسة. حجوي من اصغر سفرائنا فتاريخ الديبلوماسية عندو 37 عام. خدم مع التراب ومعول عليه المغرب يرجع من الرباط باب لبريطانيا لافريقيا وهشام علوي باه سفير وبنت عمو نادية من مؤسسي البام وفريدجي من الباطرونا للنرويج

اسماء غربي كازا ////

فلائحة السفرا اللي تعينو البارح فالمجلس الوزاري كاينة لائحة ما عندو بوريطة يد فيها. ما يمكنش يختارهم حقاش اذكياء عليه اولا وحقاش كاينة اجهزة فالدولة حتى هي كتقتارح اسماء. كاين حكيم حجوي ولد محمد حجوي الامين العام للحكومة. ونبيلة فريدجي فالسويد اللي جات من الباطرونا وهشام علوي =بضم اللام= اللي مشى لكوبا اللي باه كان سفير ولكن متخرج من مدرسة فالتجارة
حجوي حكيم واحد من اصغر السفراء فتاريخ ديبلوماسيتنا. عندو 37 عام. خدا سفارة كبيرة بزاف للي هي سفارة المملكة المتحدة وايرلندا الشمالية. هذا الشاب ذكي وتعلم بزاف من مصطفى التراب الرئيس المدير العام للفوسفاط. كان حتى البارح مدير ديوانو. ديما معاه. مطلع مزيان على ملفات حساسة. قاري فمدارس كبيرة. يكفي ان التراب قبل يخدمو فمنصب بحال اللي كان عندو باش يكون بريون ومزيان بزاف. 

المغرب بتعيين هاد الشاب كيوجد لبريطانيا بعد البريكسيت. العلاقة معاها خاصها تكون اقتصادية بالاساس. السياسة صعيب على بلاد بحالنا ديرها مع نگليز اللي هما الهة فهاد الدومين. اذن كاين طريق اخرى مزيانة وفعالة. البيزنس. بريطانيا غادية طير بجوانحها. كتوجد شراكات جديدة بعد ما خرجات من الاتحاد الاوربي. هاد لبلاد اللي عندو عضوية دائمة فمجلس الامن كان كيدعم شوية البوليساريو ولكن مجتمعو المدني مساند ليهم. شفنا ان كاع داك الشي ديال المحكمة الاوربية على قضية اتفاقية الصيد البحري مع الاتحاد الاوربي والدعوة لاسثتناء الصحراء جات من جميعات بريطانية

دابا كاين البيزنس كاين الامن الغذائي. هاد الشي على بريطانيا غادية تكون محتاجة للفوسفاط محتاجة لواحد خبير بزاف فافريقيا. بهاد الشي المغرب يقدر يخدم معاهم باش يكون واحد من البيبان ديالهم لافريقيا خاصة الفرنكفونية. لخرى راهم قادين بيها ايلى حد ما. 

تعيين اخر عندو طابع اقتصادي هو نبيلة فريدجي هي فالباطرونا وخوها عندو شركة ديال البانوات والاشهار وحوايج اخرى. هاد الوجدية تعيينات فالنرويج باش تشوف كيفاش ممكن يقلبو على الملفات السياسية ويديوها فالبيزنس. مهمة صعيبة ايلى ما قلناش مستحيلة. هادي ماشي تعيين بوريطة ولكن تجربة نشوفوها كيف غادية تخرج

كاين تعيين اخر للي هو هشام علوي اللي تزاد فبيكين بالعاصمة الصينية فين كان باه خدام تماك فالسفارة. باه كان سفير للمغرب فالمكسيك والشيلي وهو قرا الكوميرس. بنت عمو هي نادية علوي وحدة من اللي كانو فتاسيس البام وعندنا نفوذ واخا ما كتبيغش تبان. العلاقة مع البام سالات قبل ما يوصل الياس العماري للامانة العامة. كانت برلمانية ف2011 وخدمات مديرة فالوكالة اللي كان دارهاعثمان العمير مع فؤاد عالي الهمة “مينا ميديا”٬ قبل ما يبيع اسهمو فيها من بعد.

هاد الاختيار ديال هشام علوي ولد العائلة التطوانية بحال اختيار نبيلة فريدجي فيه خطورة. كوبا اكبر داعم للبوليساريو. كيدير غير السياسة. صعيب يزطط فيها شي حد ما عندوش مع السياسة. جربو بوغالب العطار باش يبدا يدير شي حاجة وما صدقش داك الشي دابا نشوفو شاب اش يقدر يدير

موضوعات أخرى