كود – كازا //

سوق البيرة حرك مزيان شركة المشروبات بالمغرب (SBM) فالنص الأول من 2026، بعدما طلع رقم معاملاتها وحققات الشركة صافي أرباح وصل لـ79.9 مليون درهم فـ6 شهور .

وحسب النتائج المالية المعلنة، وصل رقم المعاملات الموحد ديال SBM لـ1.234 مليار درهم بين يناير ويونيو، بزيادة 4.2 فالمية مقارنة مع نفس الوقيتة من 2025، اللي سجلات فيها الشركة 1.184 مليار درهم.

التنقيزة كانت واضحة فالربع الثاني، مني وصل رقم المعاملات فهاد الفترة لـ915 مليون درهم، بارتفاع 9.8 فالمية على أساس سنوي.

الشركة عزات هاد الأداء بشكل أساسي للدينامية اللي عرفاتها مبيعات علامات البيرة المحلية ديالها، خصوصاً Flag Spéciale Gold وCasablanca، زيد عليها انتعاش النشاط التجاري مع بداية الصيف وبالتزامن مع كأس العالم 2026.

وفالنص الأول من العام، وصل رقم المعاملات الاجتماعي لـ1.140 مليار درهم، بزيادة 3.8 فالمية مقارنة مع النصف الأول من 2025.