كود الرباط//

حزب العدالة والتنمية خرج ببلاغ كيشيد فيه بالرسالة الملكية اللي دعات المغاربة لعدم القيام بشعيرة الأضحية هاد العام، وكيعتبرها خطوة حكيمة نظرا للأزمة الاقتصادية والجفاف اللي مأثرين على القطيع الوطني ديال الماشية.

الحزب فبلاغو أكد أن القرار جا باش يخفف على المواطنين، خصوصا اللي معندهمش إمكانيات، ولكن في نفس الوقت ما فوتش الفرصة باش يقطر الشمع على الحكومة، وكيحملها المسؤولية باش تستغل هاد الفرصة لإعادة تكوين القطيع الوطني ودعم الفلاحين والكسابة، عوض تشجيع الاستيراد اللي كيشوفو مجرد ريع بلا فائدة حقيقية.

البيجيدي ما نساوش يباركو رمضان للمغاربة ويتمناو الشفاء للملك محمد السادس.