الرئيسية > آش واقع > البونية بين مستشاري البام و البيجيدي في مجلس الرباط – تصاور
05/10/2019 10:30 آش واقع

البونية بين مستشاري البام و البيجيدي في مجلس الرباط – تصاور

البونية بين مستشاري البام و البيجيدي في مجلس الرباط – تصاور

كود الرباط//

ناضت البونية، البارح، و كان الطايح اكثر من النايض في اجتماع دورة اكتوبر ديال مجلس الرباط اللي كانت مبرمجة فيها النقطة المتعلقة باعتماد ميزانية سنة 2020 حيث تحولت القاعة اللي احتضنت اشغال الدورة إلى ساحة للمعيور و الدباز  بين المستشارين ديال البام و ديال البيجيدي.

و طيلة ست ساعات كاملة كانت الفراجة مضمونة بالنسبة للناس اللي حضروا الاجتماع اللي سالا بلا ما يتم المصادقة على ميزانية العام الجاي اللي تأجل الحسم فيها إلى وقت لاحق.

هاذشي كامل وقع قدام ممثل السلطة اللي واقيلا بدات تاتولف بحال هاذ الاحداث بين مستشاري البيجيدي اللي تايسيرو مجلس العاصمة و مستشاري البام اللي تايلعبوا دور المعارضة علما ان هاذ شد ليا نقطع ليك اللي كاين بين اللامبة و التراكتور في مجلس الرباط تسبب في تأخير المصادقة على مشاريع كبيرة، بعضها يدخل ضمن مشروع “الرباط مدينة الأنوار”.

موضوعات أخرى