سعيد بوناصر – كود //
تدخلات بومبيا مدينة زايو اللي طفاو الثلاثاء عافية شعلات قريبة من غابة “شرب وهرب” المعروفة فالمنطقة، وكانت غادي توقع كارثة تما.
السبب ديال هاد العافية اللي شعلات هما بعض البوعارة اللي شعلو النار فروايض ديال الطوموبيلات مستعملة باش يحيدو منها السلك ديال الحديد اللي كيعاودو فيه البيع، غير ماكانوش متوقعين بللي لعافية الىي شعلوها كانت غادي تتسبب فكارثة حقيقية تقدر تحرق غطاء غابوي مساحتو كبيرة بزاف.
جميع المتدخلين تفكرو الواقعة ديال العام اللي فات، واستدعى الأمر أنه تتدخل فيها طائرات “كنادير” الخاصة باش يطفيو عافية كبيرة شعلات فالغابة المذكورة.
