وكالات/
رجال الإطفاء فمدينة دوسلدورف غربي ألمانيا قالو لـ13 ألف شخص يخويو ديورهم بالزربة حيت لقاو قنبلة ميريكانية من مخلفات الحرب العالمية الثانية.
واخا دازت 78 عاما على نهاية الحرب العالمية ثانية، مزال كيلقاو القنبول فبزاف ديال المدن فألمانيا، وف2017 لقاو قنبولة كتوزن 1.4 طن ففرانكفورت وخرجو 65 ألف شخص من ديورهم.
هادشي مبغاش يسالي فألمانيا حيت كل مرا كيلقاو قنبولة، وغير فديسمبر 2021، انفجرات قنبولة من مخلفات الحرب العالمية الثانية حدا محطة تران فميونيخ، وتسبب هاد تفرݣيع فإصابة 4 ديال ناس وتعطلات حركة سكك لحديد.
