الرئيسية > تبركيك > البوليس قرقبو على شبيهة أنجلينا جولي.. والتهمة: التحريض على العنف والفساد
08/10/2019 05:00 تبركيك

البوليس قرقبو على شبيهة أنجلينا جولي.. والتهمة: التحريض على العنف والفساد

البوليس قرقبو على شبيهة أنجلينا جولي.. والتهمة: التحريض على العنف والفساد

وكالات-كود//

السلطات الايرانية شدو سحر تبر، لي كدير ماكياج وكتولي كتشبه لفيرسيون زومبي للممثلة الأمريكية أنجيلينا جولي، بتهمة التحريض على العنف والفساد.

سحر تبدلات بزاف بعدما دارت عمليات التجميل باش تولي كتشبه لطليقة براد بيت ومن تما بدات الشهرة ديالها في انستكَرام موقع التواصل الوحيد المسموح به في ايران.

وكتواجه سحر اتهامات بالتحريض على العنف وأنها شدات الفلوس بطريقة ملتوية وحرضات الشباب على الفساد، لكن القصة مواضحاش مزيان.

ومؤخرا سحر بانت بحالا مريضة وضعافت بزاف لدرجة ولات كتخلع وناس طلبو منها باش تخرج من ايران باش تعيش حياتها.

موضوعات أخرى