وكالات//

داهمو البوليس ديال الأرجنتين لوطيل لي كان نازل فيه الموسيقي البريطاني المشهور ليام باين، وهادشي بأمر من النيابة العامة ديال البوليس.

وقالت بزاف ديال التقارير صحفية أن البوليس قتاحمو لوطيل المشهور لي سميتو كازاسور فوسط بيونس أيريس باش يديرو أونكيط على الموت ديال نايل لي طاح من الطروازيام إطاج.

وبينات بزاف ديال اللقطات في التلفزوين الأرجنتيني، البوليس وهوما دخلو للشومبر لي كان فيها، ودخلة للبيسي ديال الاستقبال ديال لوطيل، باش يجمعو كاع الدلائل لي ممكن تفيدهم في لونكيط.

وكشفات تحقيقيات سابقة لي تدارت على الموسيقي المشهور ليام باين، أن الجسم ديالو كان فيه الكوكايين الوردي بعدما مات.

وقالت ان التحقيقات كشفات انه يمكن كثر من الكوكايين الوردي قيل مايتلاح من فوق البالكون ديال اوطيل في الارجنتين وهو يموت.

وكيقولو خبراء إن الكوكايين الوردي ماشي بحال الكوكايين العادي، ولكن هو بحال القرقوبي ولا الإكستازي لي كيدير هلوسات.