وكالات//

دار طفل أمريكي عندو 13 عام صدمة كبيرة فولاية فلوريدا، من بعد ما استعمل تطبيق الذكاء الاصطناعي “شات جي بي تي” وسول فيه: “كيفاش نقتل صاحبي وسط القسم؟”، وهاتشي خلا السلطات تتدخل بسرعة وتشدّاتو.

وحسب مكتب بوليس مقاطعة فولوسيا، وقعات هاد الواقعة فمدرسة سميتها Southwestern Middle School فمدينة DeLand، ملي تلقى نظام المراقبة الرقمية اللّي سميتو Gaggle إنذار عاجل على واحد الرسالة الخطيرة كتبها التلميذ فالتطبيق، كتب فيها حرفياً: “كيفاش نقتل صاحبي فوسط الحصة الدراسية؟”.

البوليس مشاو للمدرسة فوراً وحققات مع الطفل، اللي اعترف باللي هو اللي كتبها، وقال باللي ماكانش ناوي يدير شي حاجة بصح، وأنها غير “نكتة” مع صاحبو اللي كان دايخو. ولكن السلطات ما شافتش هاد الشي نكتة، وقالو باللي هاد التصرفات ممكن تدير حالة استنفار خطيرة وتقدر تجرّ ليها عواقب قانونية.

وفواحد البلاغ رسمي، حذر مكتب العمدة من تكرار هاد النوع ديال السلوكات، وقال: “مرة أخرى، مزحة خايبة كدير حالة طوارئ فالمدرسة… كنطلبو من الآباء يهضرو مع ولادهم ويشرحوليهوم خطورة هادشي”.