وكالات//

شدو البوليس ديال العاصمة البريطانية لندن، نهار الأحد، واحد السيد دخل بالطوموبيل ديالو فبوابة القصر ديال العائلة الملكية البريطانية.

على حساب ماقالت الوكالة ديال “رويترز” فإن هاد السيد دخل ف البوابة الرئيسية ديال قصر باكينكغهام بالاس ولحق بيها أضرار كبيرة.

وبانو شي فيديوهات لي صورهم الناس لي كانو دايزين اللحظة لي تدخل فيها البوليس بالسلاح وشدو الرجل لي دخل ف القصر.

البوليس ديال النكليز دارو واحد البيان من بعد قالو أن الهجوم ماعندوش طبيعة إرهابية والسيد لي شدوه عندو مشاكل عقلية.