وكالات//

السلطات فولاية تكساس أكدت مقتل المؤثر المعروف فالسوشيال ميديا مايكل دوارتي، اللي معروف باسمه على الإنترنت FoodWithBearHands، بعدما طلقو عليه البوليس الرصاص وهو مسافر مع العائلة ديالو فمدينة كاستروفيل نهار السبت 8 نونبر.

وحسب التصريحات ديال شرطة مقاطعة مدينا، جاهم بلاغ كيهضر على راجل “هاز موس وكيتهور بطريقة غريبة”. منين وصلو البوليس للمكان، شرطية طلقات عليه جوج طلقات من السلاح ديالها، تصاب دوارتي بجروح خطيرة، ومن بعد نقلوه لمستشفى قريب، ولكن للأسف توفى تماك.

دوارتي كان ساكن فـكاليفورنيا، وكان غير داير رحلة عائلية لتكساس وقت ما وقع الحادث.

@foodwithbearhands

العائلة ديالو وصفت اللي وقع بأنه حادث مروع، وقالو بلي مازال ما مصدقينش اللي وقع.

وفـصفحة GoFundMe اللي داروها باش يجمعو الفلوس لتغطية تكاليف نقل الجثة والجنازة، كُتب بلي الوفاة ديالو كانت غير 3 أيام بعد ما احتفل مع مراتو بالذكرى التاسعة ديال الزواج.

وخلا وراه مراتو جيسيكا وبنتهم الصغيرة أوكلي اللي عندها 6 سنين.